गेल्या ७० वर्षापासून रेल्वेच्या प्रतीक्षेत असलेल्या हजारो मुरबाडकरांच्या मागणीनुसार केंद्रीय पंचायत राज्यमंत्री कपिल पाटील यांनी बोलल्याप्रमाणे कल्याण- मुरबाड रेल्वे प्रकल्प मंजूर केला या प्रकल्पासाठी शेतकऱ्यांनी सहकार्य केल्यामुळे अवघ्या महिन्याभरात सर्वेक्षण पूर्ण होणार हा देशातील पहिला रेल्वे प्रकल्प ठरला होता. त्यानंतर या प्रकल्पाच्या भूसंपादनासाठी शेतकऱ्यांना नोटीस दिल्या आहेत तर शेतकऱ्यांनाही कोणत्याही परिस्थितीत जमीन अभावी प्रकल्पाचे काम थांबणार नाही अशी स्वागतार्ह भूमिका घेतली आहे.तर रेल्वे मार्ग जाणार असलेल्या भागात शेती केली जात असून जमिनीचे व्यवहार रजिस्टड झाले नाही त्यामुळे शेतकऱ्यांच्या जमिनीला रेडीरेकनरनुसार कमी भाव मिळत आहे या संदर्भात रेल्वे राज्यमंत्री रावसाहेब दानवे यांच्याबरोबर रेल्वे अधिकारी व जिल्हाधिकारी कार्यालयात दोन वेळा बैठक झाली आहे त्यानंतर या शेतकऱ्यांना सन्मानजनक किंमत देण्याच्या सूचना रेल्वे राज्यमंत्री रावसाहेब दानवे यांनी केल्या आहेत अशी माहिती केंद्रीय पंचायत राज्यमंत्री कपिल पाटील यांनी दिली.
तसेच मुरबाड रेल्वे प्रक्रियेसाठी तरतूद झाली होती. मात्र हा प्रकल्प सुरू न झाल्यामुळे प्रकल्पाचे काम करण्यासाठी अर्थसंकल्पात हेड उघडला जातो त्यात यंदा १० कोटी ३६ लाखाची तरतूद झाली आहे या हेडमुळे प्रकल्पासाठी अर्थसंकल्पातून वाढीव रक्कम मंजूर करता येते दुसऱ्या वर्षी हेड तयार केल्यामुळे हा प्रकल्प रेल्वेच्या यादीमध्ये असल्याचे स्पष्ट होत आहे
***मुरबाड कल्याण रेल्वे कशी असणार**
*मुरबा रेल्वे मार्गावर तीन मोठे फूल उभारण्यात येणार
*३९ छोटे पूल आहेत
*५ उडान पूल
*१० भुयारी मार्गिका
तसेच कल्याण मुरबाड रेल्वे मार्गात ७ बोगदे उभारण्यात येणार आहेत त्यातील सर्वात मोठा बोगदा ८५० मीटरचा असेल सध्या मध्य रेल्वे ठाणे ते कल्याण मार्गावर पारसिकचा बोगदा आहे आता मुरबाड मार्गावर बोगदा केला जाईल तसेच रेल्वे मंत्रालयाने या रेल्वेसाठी ७२६ कोटी ४५ लाख निधी मंजूर केला आहे या खर्चाची ५०% खर्च राज्य सरकार उचलणार आहे अशी माहिती प्राप्त झाली आहे.
0 Comments