स्वस्त धान्य दुकानातील चोरीचा माल पकडून देणाऱ्या युवकाची महसूलमंत्र्यांनी घेतली भेट

नेवासा(छत्रपती एक्सप्रेस वृत्तसेवा)सर्वसामान्य लोकांसाठी असलेला स्वस्त धान्य दुकानातील ‌माल परस्पर विकाला जाण्याच्या घटना जिल्ह्यास नवीन नाही नुकतेच नेवासा तालुक्यातील भानसिवरा येथील सर्वसामान्य लोकांसाठी वितरित होणारा संपुर्ण रेशनिंगचा कोठाच परस्पर विकाला गेल्याची घटना येथे घडली होती याबाबत हा संपुर्ण रेशनचा कोठाच बाहेर विकला जात असल्याचे येथील जागृत नागरिक सतिश नानासाहेब क्षीरसागर यांच्या लक्षात आल्याने तो माल श्री.क्षीरसागर यांनी मोठ्या सतर्कतेने पोलिसांना कळवत पकडुन दिला.

त्यामुळे संबंधित गुन्हेगारांनी सतीश क्षीरसागर यांना बेदम मारहाण केली होती.हे वृत्त वाऱ्यासारखे समाज माध्यमावर आणि प्रसार माध्यमात पसरले होते.जिल्ह्यात अशा घटना अनेक ठिकाणी घडतात याबाबत सर्वत्र बोलले जाऊ लागले पण लोकांच्या अंगठ्याचा ठसा घेतल्याशिवाय बिले बाहेर पडत नाही मग हा धान्य कोठाच परस्पर कसा? विकला जाऊ शकतो अशी चर्चा होतांना दिसते याबाबत वरिष्ठ अधिकाऱ्यांच्या संगनमतांनेच हेच कांड होत असल्याची चर्चा होत आहे

नुकतीच पिडीत सतिश नानासाहेब श्रीरसागर त्यांच्या निवासस्थानी राज्याचे महसूलमंत्री माननीय श्री .

राधाकृष्ण विखे यांनी भेट घेऊन त्यांना दिलासा दिला तसेच अधिकाऱ्यांना सूचना देऊन गुन्हेगारांवर कठोर कारवाई करण्याच्या सूचना दिल्या.

 ऐन सणासुदीच्या हा धान्य कोठाच उशीरा आल्याने स्वस्त धान्य दुकानासमोर लोकांच्या रांगाच रांगा उभ्या आहेत तसेच जिल्ह्यातील अनेक मशिन्स बंद पडल्यामुळे त्यांना धान्य मिळाले नाही लोकांना तसेच हात हालवत माघारी जावे लागते यावेळी अनेक कुटुंबीयांना स्वस्त धान्य दुकानांमधून धान्य मिळत नसल्याची तक्रारीचे निवारण करण्यात आले तसेच लोकांची हि समस्था सोडवून दोषी अधिकाऱ्यांवर कठोर कार्यवाही करण्याचे आश्वासन महसूलमंत्री श्री.विखे यांनी दिले.