गोपाळकाल्याच्या दिवशी सकाळी १०.०० ते १२.०० यावेळेत श्री साई संस्थांनच्या वतीने श्री गोकुळाष्टमी व गोपाळकाला उत्सवानिमित्त गेट क्र. ३ समोरील श्री साईबाबा समाधी शताब्दी मंडपाचे स्टेजवर ह.भ.प. सौ. प्रज्ञा देशपांडे पळसोदकर, पुणे यांचे गोपालकाला किर्तन झाले. कीर्तनानंतर दुपारी१२.०० वाजता समाधी मंदिरात श्री साईबाबांचे समकालीन भक्त तात्या पाटील कोते यांचे वंशज परीवारातील सदस्य श्री सर्जेराव अशोकराव पा. कोते यांच्या हस्ते मोठे उत्साहात दहीहंडी फोडण्यात आली.
तत्पूर्वी दरवर्षीप्रमाणे यावर्षीही श्री साईबाबा संस्थान विश्वस्तव्यवस्था, शिर्डीच्या वतीने आयोजित केलेल्या श्री गोकुळाष्टमी उत्सवानिमित्त श्री साईबाबा समाधी मंदिरात रात्री ठीक बारा वाजता श्रीकृष्ण जन्मोत्सव साजरा करण्यात आला.
श्री गोकुळाष्टमी उत्सवानिमित्त श्री साईबाबा समाधी मंदिरातील स्टेजवर दिनांक २६ ऑगस्ट रोजी रात्रौ १०.०० ते १२.०० यावेळेत ह.भ.प. सौ. प्रज्ञा देशपांडे पळसोदकर, पुणे यांचे श्रीकृष्णजन्म कीर्तन होवुन श्रीकृष्ण जन्मोत्सव साजरा करण्यात आला. यावेळी मुख्य कार्यकारी अधिकारी गोरक्ष गाडीलकर व उप मुख्य कार्यकारी अधिकारी तुकाराम हुलवळे, मंदिर प्रमुख विष्णु थोरात, ग्रामस्थ व साईभक्त मोठ्या संख्येने उपस्थित होते. त्यानंतर श्रींची शेजारती झाली. त्याचप्रमाणे शिर्डी शहरातही विविध संघटनांच्या वतीने दहीहंडीचा मोठा उत्सव साजरा करण्यात आला. ठीक ठिकाणी उंच दहीहंडी बांधण्यात आली होती. मानवी साखळीने उंच मानवी मनोरे रचून दहीहंडी फोडण्यात येत होत्या. मोठमोठे बक्षीसही यावेळी जाहीर करण्यात आले होते. संगीतच्या तालावर नाचत, गात ,पाण्याचे फवारे उडवत दहीहंडी फोडण्याचा गोपाळांनी आनंद घेतला.
0 Comments